چینی کی قیمت سے متعلق بڑی خبر آگئی
چینی کی قیمت سے متعلق بڑی خبر آگئی ہے۔
ذرائع کے مطابق ہول سیل مارکیٹ میں 50 کلو چینی کا تھیلا 300 روپے مہنگا ہو کر 7 ہزار کا ہوگیا جبکہ ریٹیل مارکیٹ میں چینی 150 سے 162 روپے فی کلو تک فروخت ہو رہی ہے۔
دستاویز کے مطابق صرف گزشتہ ایک ہفتے میں چینی ڈیڑھ روپے فی کلو سے زیادہ مہنگی ہوئی۔
یوٹیلٹی اسٹورز پر بھی چینی مہنگی ہوچکی ہے اور 155 روپے فی کلو فروخت کی جارہی ہے۔
ذرائع کا کہنا ہے کہ شوگر ایڈوائزری بورڈ اضافی چینی برآمد کرنے کی اجازت دے سکتا ہے۔
یاد رہے کہ ملز مالکان کی جانب سے 10 لاکھ ٹن چینی برآمد کرنے کیلئے لابنگ تیز کردی گئی ہے جس کے باعث چینی ایکسپورٹ کرنے کی ممکنہ اجازت سے پہلے ہی مقامی ریٹ بڑھ گیا ہے۔
