ملکی معیشت میں بنیادی اصلاحات لانا ہوں گی، محمد اورنگزیب
اسلام آباد: وفاقی وزیر خزانہ محمد اورنگزیب نے کہا ہے کہ اپوزیشن کے احتجاج کے باعث ملک کو روزانہ 190 ارب روپے کا نقصان ہو رہا ہے۔
وزارت خزانہ نے اس نقصان کے حوالے سے ایک تفصیلی رپورٹ تیار کی ہے جس میں مختلف شعبوں کے نقصانات کی وضاحت کی گئی ہے۔
وزیر خزانہ کے مطابق، پاکستان کی جی ڈی پی کو روزانہ 144 ارب روپے کا نقصان ہو رہا ہے جبکہ آئی ٹی اور ٹیلی کام کے شعبے میں ہونے والے نقصانات اس کے علاوہ ہیں۔
برآمدات میں کمی کی وجہ سے روزانہ 26 ارب روپے کا نقصان ہو رہا ہے، اور غیر ملکی سرمایہ کاری متاثر ہونے سے تین ارب روپے کا نقصان ہو رہا ہے۔
انہوں نے مزید کہا کہ وفاقی حکومت کا روزانہ نقصان 190 ارب روپے تک پہنچ چکا ہے، جبکہ صوبوں کو ہونے والے نقصانات اس سے بھی کہیں زیادہ ہیں۔
وفاقی وزیر خزانہ محمد اورنگزیب نے یہ بھی بتایا کہ اس بحران سے نمٹنے کے لیے حکومت مختلف اقدامات کر رہی ہے تاکہ اقتصادی صورتحال کو بہتر بنایا جا سکے۔
