ٹی 20 بلائنڈ کرکٹ ورلڈکپ کے پہلے روز پاکستان اور سری لنکا کی ٹیموں نے اپنے میچز جیت لئے
پاکستان بلائنڈ کرکٹ کونسل کے زیراہتمام کھیلے جانے والے چوتھے ٹی 20 بلائنڈ کرکٹ ورلڈکپ کے پہلے روز پاکستان اور سری لنکا کی ٹیموں نے اپنے میچز جیت لئے.
لاہور کے غنی انسیٹیوٹ کرکٹ گراؤنڈ ڈی ایچ اے پر ٹی 20بلائنڈ کرکٹ ورلڈ کپ کے افتتاحی میچ میں ساؤتھ افریقہ نے پاکستان کیخلاف ٹاس جیت کرپہلے بیٹنگ کا فیصلہ کیا اور مقررہ 20 اوورز میں 7 وکٹوں کے نقصان پر 129 بنائے لیسیدی لیسوفل نے 24 اور ایڈریچ ٹرہا نے 17 رنز بنائے بابر علی نے 2 کھلاڑیوں کو آؤٹ کیا جواب میں پاکستان نے مطلوبہ ہدف 10.3 اوورز میں 2 وکٹوں کے نقصان پر حاصل کرکیا.
اوپنر نعمت اللہ نے شاندار بیٹنگ کا مظاہرہ کرتے ہوئے 9 چوکوں اور ایک چھکے کی مدد سے 31 بالز پر 59 رنز اسکور کئے سعید اسپورٹس سٹی میں کھیلے گئے.
آج کے دوسرے میچ میں سری لنکا نے نیپال کیخلاف 70 رنز سے کامیابی حاصل کی نیپال نے ٹاس جیت کر سری لنکا کو پہلے کھیلنے کی دعوت دی سری لنکا نے 20 اوورز میں 4 وکٹوں کے نقصان پر 195 رنز بنائے سری لنکا کے اوپنر دمیت سانداروان عمدہ بیٹنگ کرتے ہوئے ورلڈ کپ کی پہلی سینچری بنانے کا اعزاز حاصل کیا وہ 100 رنز بنا کرناٹ آؤٹ رہے مدھو ونتا نے 23 رنز کی باری کھیلی جواب میں نیپال کی ٹیم مقررہ اوورز میں 125 رنز بنا سکی درگا دتہ نے 24اور نریش ) نے 23 رنز بنائے اتوار کو غنی انسیٹیوٹ کرکٹ گراؤنڈ پر سری لنکا اور افغانستان جبکہ سعید اسپورٹس سٹی پر بنگلہ دیش اور نیپال کی ٹیمیں مدمقابل ہوں گی.
