کراچی ٹریفک پولیس نے اطلاع دی ہے کہ شارع فیصل آج رات 2 بجے سے صبح 5 بجے تک بند رہے گی۔
اس دوران ڈرگ روڈ سے کارساز دونوں اطراف بند ہوں گے، جبکہ کارساز سے حسن اسکوائر تک کا راستہ بھی بند رہے گا۔
ٹریفک پولیس نے شہریوں کو پریشانی سے بچنے کے لیے متبادل راستے اختیار کرنے کی ہدایت کی ہے۔ ایئرپورٹ سے آنے والی ٹریفک کو کارساز اور اسٹیڈیم کی جانب جانے کی اجازت نہیں ہوگی، اور نرسری سے آنے والے ٹریفک کو بھی کارساز جانے کی اجازت نہیں دی جائے گی۔
متبادل راستوں کے طور پر، شہری نیپا سے راشد منہاس روڈ اور ڈرگ روڈ کا استعمال کر سکتے ہیں۔ یونیورسٹی روڈ سے اسٹیڈیم جانے والی ٹریفک کو آگے جانے کی اجازت نہیں ہوگی اور انہیں پیپلز چورنگی کی جانب جانا ہوگا۔
اسی طرح، لیاقت آباد نمبر 10 سے حسن اسکوائر جانے والی ٹریفک کو بھی روک دیا جائے گا، اور انہیں اسٹیڈیم روڈ سے نیپا یا راشد منہاس روڈ کا راستہ اختیار کرنا ہوگا۔
ٹریفک پولیس نے شہریوں سے درخواست کی ہے کہ وہ ان ہدایات پر عمل کریں تاکہ ٹریفک کی روانی کو بہتر بنایا جا سکے اور کسی بھی قسم کی تکلیف سے بچا جا سکے۔
