اے آر رحمان نے مجھ سے معافی مانگی، بادشاہ
بالی ووڈ کے معروف ریپر بادشاہ کا کہنا ہے کہ اے آر رحمان نے میرے گانے ’ہما ہما‘ کے ریمکس کو ناپسند کرنے پر مجھ سے معافی مانگی تھی۔
حال ہی میں بالی ووڈ کے معروف ریپر بادشاہ نے بتایا کہ میں جانتا تھا کہ ’ہما ہما‘ کو کس طرح بادشاہ کے انداز میں پیش کرنا ہے کہ اصل گانے کی روح مجروح نہ ہو اور گانا ایک نئے انداز میں بھی پیش ہو جائے۔
بادشاہ نے بتایا کہ جب میں نے ہما ہما کیا تو مجھے بہت تنقید کا سامنا کرنا پڑا، اے آر رحمان صاحب بھی بہت ناخوش تھے۔
معروف ریپر نے بتایا کہ بعد ازاں اے آر رحمان نے مجھے فون کیا اور کہا کہ مجھے افسوس ہے کہ مجھے یہ سمجھنے میں وقت لگا کہ یہ ایک اچھا گانا ہے، جب اے آر رحمان کی جانب سے اس طرح کا ردِعمل آیا تو میرے لیے اس سے بڑی اور اہم بات کچھ نہیں تھی کیونکہ مجھے اس بات کی توقع نہیں تھی۔
واضح رہے کہ 1995 میں ریلیز ہونے والی فلم بمبئی کے گانے ’ہما ہما‘ کو کافی پزیرائی ملی تھی۔ بعد ازاں اسے2017 میں ریلیز ہونے والی فلم ’اوکے جانو‘ کے لیے ریمکس کیا گیا۔
