اسٹاک مارکیٹ میں 100 انڈیکس 99 ہزار کی بلند ترین سطح پر پہنچ گیا
اسٹاک مارکیٹ میں 100 انڈیکس 99 ہزار کی بلند ترین سطح پر پہنچ گیا ہے۔
پاکستان اسٹاک ایکسچینج (پی ایس ایکس) میں ٹریڈنگ کے دوران بینچ مارک کے ایس ای-100 انڈیکس 2000 پوائنٹس اضافے کے ساتھ پہلی بار 99 ہزار کی تاریخی حد عبور کر گیا۔
کاروبار کے دوران اسٹاک ایکسچینج میں 100 انڈیکس 99 ہزار 602 پوائنٹس پر ٹریڈ کر رہا ہے۔
یاد رہے کہ گزشتہ روز اسٹاک ایکسچینج کے 100 انڈیکس میں 1781 پوائنٹس کا بڑا اضافہ ہوا جس کے بعد انڈیکس 97 ہزار 328 پوائنٹس پر بند ہوا تھا، گزشتہ روز اسٹاک مارکیٹ میں 22 ارب 26 کروڑ 64 لاکھ 85 ہزار 757 روپے مالیت کے 32 کروڑ 35 لاکھ 34 ہزار 561 شیئرز کا لین دین ہوا۔
