خیبر پختونخوا میں پولیو کے مزید دو کیسز کی تصدیق
خیبر پختونخوا میں پولیو کے مزید دو کیسز کی تصدیق ہوئی ہے۔
ضلع ڈی آئی خان کی یونین کونسل مورگہ میں 18 ماہ کی ایک بچی اور یونین کونسل بہران میں 36 ماہ کا ایک بچہ پولیو وائرس سے متاثر ہوا ہے، اس سال ڈی آئی خان سے رپورٹ ہونے والا یہ پانچواں پولیو کیس ہے، جبکہ 2024 کے دوران صوبے میں پولیو کیسز کی تعداد 13 ہوگئی ہے۔
ڈیرہ اسماعیل خان سے پانچ ، ٹانک، لکی مروت اور کوہاٹ سے دو، دو جبکہ ضلع مہمند، اور نوشہرہ سے ایک،ایک کیس شامل ہے۔
ملک بھر میں اس سال پولیو کیسز کی مجموعی تعداد 52 ہوگئی جن میں بلوچستان سے 24 ، سندھ سے 13، خیبرپختونخوا سے 13 جبکہ پنجاب اور وفاقی دارالحکومت اسلام آباد سے ایک، ایک پولیو کیس رپورٹ ہوا ہے۔
