وزیراعظم شہباز شریف کی ذاتی کوششوں سے منی بجٹ کا خطرہ ٹل گیا
وزیراعظم شہباز شریف کی ذاتی کوششوں سے منی بجٹ کا خطرہ ٹل گیا ہے۔
پاکستان اور آئی ایم ایف کے درمیان 11 تا 15 نومبر میں ہونے والے مذاکرات کی اندرونی کہانی سامنے آگئی ہے۔
ذرائع وزارت خزانہ کے مطابق چیئرمین ایف بی آر تنخواہ دار طبقے کو مزید ٹیکس سے بچانے میں متحرک رہے، جبکہ ایف بی آر کے چیئرمین راشد لنگڑیال نے ٹیکس کی متبادل حکمت عملی پر آئی ایم ایف کو منایا۔
ذرائع کا کہنا ہے کہ ٹیکس ٹو جی ڈی پی ایشو میں 1.5 فیصد اضافہ ہوا ہے اس حوالے سے آئی ایم ایف کو بریفنگ دی گئی، جبکہ پاکستان نے آئی ایم ایف کو منی بجٹ نہ لانے پر راضی کیا۔
ذرائع وزارت خزانہ نے یہ بھی بتایا کہ منی بجٹ کی بجائے متبادل ذرائع سے آمدن بڑھانے کا پلان اس کے علاوہ معاشی نظم وضبط اور رائٹ سائزنگ سے اخراجات میں کمی کا فریم ورک دیا گیا، اگر دسمبر تک ٹیکس ہدف حاصل نہ ہوا تو مارچ میں منی بجٹ آسکتا ہے۔
ذرائع کے مطابق آئی ایم ایف نے گندم کی سپورٹ پرائس نہ دینے پر مجبور کردیا، جبکہ آئی ایم ایف نے دباؤ ڈالتےہوئے کہ کہ وفاقی اور صوبائی حکومتیں گندم کی سپورٹ پرائس نہ دیں، اس کے علاوہ آئی ایم ایف نے گنے کی حکومت مداخلتی قیمت دینے سے بھی منع کردیا ہے۔
ذرائع نے بتایا کہ حکومت پاکستان آئی ایم ایف کے سامنے دو آرڈیننس لانے پر آمادہ ہوگئی ہے جبکہ سول سرونٹ ایکٹ میں ترامیم، اور ٹیکس چوری روکنے کے لیے صوبائی سطح پر انفورسٹمنٹ کے لیے آرڈیننس لایا جائے گا۔
ذرائع وزارت خزانہ کے مطابق آئی ایم ایف کو تشویش ہے کہ پاکستان میں شمسی توانائی کا رحجان بجلی کی پیداواری لاگت بڑھائے گا، پاکستان میں گرڈ اسٹیشنز سے بجلی لینے کا رحجان کم ہونا، توانائی اصلاحات کے برخلاف ہے۔
