ایئر چیف مارشل ظہیر احمد بابر سدھو کا آئیڈیاز کا دورہ
آئی ایس پی آر کا کہنا ہے کہ ایئر چیف مارشل ظہیر احمد بابر سدھو نے آئیڈیاز کا دورہ کیا ہے۔
پاک فوج کے شعبہ تعلقات عامہ ( آئی ایس پی آر ) کے مطابق چیف آف ایئر اسٹاف ایئر چیف مارشل ظہیر احمد بابر سدھو نے آئیڈیاز 202 کے بارہویں ایڈیشن کا کراچی ایکسپو سینٹر میں تفصیلی دورہ کیا۔
آئی ایس پی آر کا کہنا ہے کہ ایئر چیف اسٹاف کا دورہ قومی دفاعی صلاحیتوں کو بڑھانے کے لیے تکنیکی تعاون اور جدت کی اہمیت کو اجاگر کرتا ہے۔
ایئر چیف نے نیشنل ایرو اسپیس سائنس اینڈ ٹیکنالوجی پارک کے پویلین میں مختلف اسٹالز کا بھی دورہ کیا۔
آئی ایس پی آر کا کہنا ہے کہ این اے ایس ٹی پی کے اسٹالز پر خلائی، سائبر، مصنوعی ذہانت، الیکٹرانک وارفیئر، ایرو اسپیس ڈیزائننگ، سینسرز اور سمیولیٹرز کی نمائش کی جا رہی ہے۔
ایئر چیف نے ابھرتے ہوئے اسٹارٹ اپس کو چھوٹے اور درمیانے درجے کے اداروں ایس ایم ایز میں تبدیل کرنے پر زور دیا۔
ایئر چیف نے آئیڈیاز میں شریک غیر ملکی وفود سے ملاقات کی جس میں مقامی طور پر تیار کردہ ایرو اسپیس آلات کی خرید و فروخت کے مواقع تلاش کرنے پر تبادلہ خیال کیا گیا۔
