صوبے کی ترقی میں وفاق کا کردار قابل تحسین ہے، گورنر سندھ
گورنر سندھ کامران خان ٹیسوری کا کہنا ہے کہ صوبے کی ترقی میں وفاق کا کردار قابل تحسین ہے۔
گورنر سندھ کامران خان ٹیسوری سے گلگت بلتستان کے گورنر سید مہدی شاہ نے ملاقات کی جس میں صوبوں کی ترقی میں وفاق کے کردار، عوامی فلاح و بہبود کے منصوبوں سمیت دلچسپی کے دیگر امور پر تبادلہ خیال کیا گیا۔
گورنر سندھ نے کہا کہ بین الصوبائی ہم آہنگی کے لیے وفود کے تبادلے روشن مستقبل کی دلیل ہیں، صوبے کی ترقی میں وفاق کا کردار قابل تحسین ہے۔
انہوں نے کہا کہ وفاقی فنڈنگ سے جاری ترقیاتی منصوبے عوامی مشکلات میں اہم ثابت ہوں گے، معاشی حب کراچی میں وفاق کی بھرپور دلچسپی خوش آئند ہے۔
گورنر گلگت بلتستان سید مہدی شاہ نے کہا کہ گلگت بلتستان میں وفاق کا بھرپو ر تعاون جاری ہے، گورنر اینیشیٹو کے تحت جاری منصوبے قابل تقلید ہیں۔
