آئی سی سی چیمپئنز ٹرافی کراچی پہنچ گئی
کراچی: آئی سی سی چیمپئنز ٹرافی اسلام آباد سے کراچی پہنچ گئی ہے۔
آئی سی سی چیمپئنز ٹرافی کے دورے کا آغاز وفاقی دارالحکومت اسلام آباد سے ہوا تھا جس کے بعد ٹرافی کو دامن کوہ لے جایا گیا۔
علاوہ ازیں چیمپئنز ٹرافی کو فیصل مسجد اور پاکستان مونومنٹ میوزیم سمیت متعدد تعلیمی اداروں اور مختلف مقامات پر بھی لے جایا گیا جب کہ ٹرافی نے ٹیکسلا، خانپور، ایبٹ آباد، مری اور نتھیا گلی کا ٹور بھی کیا۔
یاد رہے کہ آئی سی سی نے بھارتی دباؤ پر ٹرافی کے دورہ پاکستان شیڈول میں رد و بدل کیا ہے جب کہ تین شہروں اسکردو، ہنزہ اور مظفر آباد میں ٹرافی کا دورہ منسوخ کر دیا گیا تھا۔
