مشہور اداکارہ اور کامیڈین کرشنا کی اہلیہ کشمیرا شاہ خطرناک حادثے کا شکار
مشہور اداکارہ اور کامیڈین کرشنا کی اہلیہ کشمیرا شاہ خطرناک حادثے کا شکار ہو گئی ہیں۔
حال ہی میں کامیڈین کرشنا کی اہلیہ کشمیرا نے اپنے انسٹاگرام اکاؤنٹ پر خون میں لت پت ٹشوز کی تصویر شیئر کی اور خدا کا شکر ادا کرتے ہوئے لکھا کہ ’بڑا حادثہ ہوتے ہوتے ٹل گیا‘۔
انہوں نے لکھا کہ ’شکر ہے خدا کا جس نے بچا لیا۔ ایک عجیب و غریب حادثہ ہوا، کچھ بڑا ہو سکتا تھا، لیکن سب خیر خیریت سے گزر گیا، امید ہے کوئی نشان نہیں رہ جائے گا۔ ہر دن کو ایک لمحہ سمجھ کر جیو، اپنے گھر والوں سے ملنے کا بےحد انتظار ہے‘۔
دوسری جانب کشمیرا کے شوہر کرشنا نے کمنٹ میں لکھا کہ ’شکر ہے تم اب محفوظ ہو‘۔
یاد رہے کہ کشمیرا شاہ کو آخری مرتبہ کوکنگ ریئلٹی شو ’لائٹر شیف‘ میں اپنے شوہر کے ساتھ دیکھا گیا تھا۔
