دہشتگردی کے خلاف پاکستان کے ساتھ کندھے سےکندھا ملا کر کھڑے رہیں گے، ویدانت پٹیل
ترجمان امریکی محکمہ خارجہ ویدانت پٹیل نے کہا کہ دہشتگردی کے خلاف پاکستان کے ساتھ کندھے سے کندھا ملا کر کھڑے رہیں گے۔
نائب ترجمان امریکی محکمہ خارجہ ویدانت پٹیل نے پریس کانفرنس کرتے ہوئے کہا کہ ریلوے اسٹیشن پر ہونے والے بم دھماکے کی شدید مذمت کرتے ہیں، ہم متاثرین اور ان کے اہلخانہ کے ساتھ اپنی گہری تعزیت کا اظہار کرتے ہیں۔
ویدانت پٹیل نے کہا کہ پاکستان کے ساتھ خطرات سے نمٹنے میں ہمارا مشترکہ مفاد ہے، پاکستان کےساتھ علاقائی سلامتی کے لیے ہمارا مشترکہ عزم ہے، دہشتگردی کےخلاف پاکستان کےساتھ کندھےسےکندھاملاکرکھڑے رہیں گے۔
ویدانت پٹیل بھارتی کرکٹ ٹیم کے پاکستان نہ آنے کے سوال کا جواب دیتے ہوئے کہا کہ
ویدانت پٹیل سے کانفرنس کے دوران بھارتی کرکٹ ٹیم کے پاکستان نہ آنے اور آپ کے خیال میں کیا سیاست کو کھیلوں سے ملانا درست ہے سوال کیا گیا جس کے جواب میں انہوں نے کہا کہ پاکستان، بھارت کے تعلقات سے متعلق دونوں ملک خود بات کرسکتے ہیں۔
انہوں نے کہا کہ پاک بھارت تعلقات پر ہمارے لیے درمیان میں آنے کیلئےکچھ نہیں ہے، کھیل یقینی طور پر ایک طاقتور اور مربوط قوت ہے، امریکا نے ہمیشہ کھیلوں کی سفارت کاری کو ترجیح دی ہے، کھیل بہت سارے لوگوں کوآپس میں جوڑتے ہیں۔ یہ وہ چیز ہے جو ہمارے پبلک افیئرز اور پبلک ڈپلومیسی کے لیے ناقابل یقین حد تک اہم ہے۔
