غزہ پر اسرائیلی حملے جاری، مزید 33 افراد شہید
اسرائیلی فورسز نے غزہ سٹی، جبالیہ اور نصیرات پناہ گزین کیمپ پر حملے کیے جس میں 33 افراد شہید، درجنوں زخمی ہوئے ہیں۔
وسطی غزہ کی پٹی میں نصیرات پناہ گزین کیمپ میں توپ خانے سے گولہ باری کی گئی تاہم ہلاکتوں کی اطلاع نہیں ہے، جبکہ وسطی غزہ میں مغازی کیمپ پر حملے میں 5 افراد شہید ہوگئے اس کے علاوہ نصیرات پناہ گزین کیمپ پر حملے میں 2 افراد شہید ہوگئے ہیں۔
گزشتہ ماہ غزہ میں اسرائیلی حملوں میں 20 امدادی کارکن جاں بحق ہوگئے ہیں، غزہ میں شہدا کی مجموعی تعداد 43 ہزار 712 ہوگئی، جبکہ ایک لاکھ 258 زخمی ہوچکے ہیں۔
