عاطف اسلم نے سعودی عرب میں پرفارمنس سے انکار کی خبروں کو بے بنیاد قرار دے دیا
پاکستان کے معروف اداکار عاطف اسلم نے سعودی عرب میں پرفارمنس سے انکار کی خبروں کو بے بنیاد قرار دے دیا ہے۔
پاکستان کے معروف اداکار عاطف اسلم نے اپنے بیان میں ان افواہوں کی سختی سے تردید کی ہے جن میں کہا گیا کہ انہوں نے سعودی عرب میں مقدس مقامات کے قریب پرفارم کرنے سے انکار کیا ہے۔
انہوں نے کہا کہ یہ عجیب ہے کہ میرے نام سے وہ باتیں منسوب کی جاتی ہیں جو میں نے کبھی کہی ہی نہیں، میڈیا اور فنکار برادری کسی بھی بیان کی سچائی کو جانچنے کے بعد ہی رپورٹ کریں۔
گلوکار نے کہا کہ ہم نے ماضی میں ریاض میں پرفارم کیا ہے، جو ہمارے موقف کا بہترین ثبوت ہے۔
یاد رہے کہ سعودی عرب 2017 کے بعد سے عالمی فنکاروں کے کنسرٹس کا مرکز بن گیا ہے اور اب تک کئی بڑے بین الاقوامی اسٹارز، جیسے کہ K-pop کے مشہور گروپ BTS بھی یہاں پرفارم کر چکے ہیں۔
