بلائنڈ ٹی ٹوئنٹی کرکٹ ورلڈکپ کے حوالے سے اہم اجلاس منعقد
لاہور: بلائنڈ ٹی ٹوئنٹی کرکٹ ورلڈکپ کے حوالے سے اسپورٹس بورڈ پنجاب میں اہم اجلاس منعقد ہوا۔
ڈی جی اسپورٹس بورڈ پنجاب خضر افضال چودھری کا کہنا ہے کہ ٹی ٹوئنٹی بلائنڈ کرکٹ ورلڈکپ کا انعقاد 23 نومبر سے پاکستان میں ہورہا ہے۔
ڈی جی اسپورٹس بورڈ نے بتایا کہ ٹی ٹوئنٹی بلائنڈ کرکٹ ورلڈکپ میں 7 انٹرنیشنل ٹیمیں شریک ہوں گی۔
خضر افضال چودھری مزید کہتے ہیں کہ ورلڈکپ کا پاکستان میں ہونا خوش آئند ہے، بلائنڈ کرکٹ ٹی ٹوئنٹی ورلڈکپ کے انعقاد کے لئے بہترین انتظامات کیے جارہے ہیں۔
اس موقع پر چیئرمین پاکستان بلائنڈ کرکٹ کونسل سید سطان شاہ نے کہا کہ ٹی ٹوئنٹی بلائنڈ کرکٹ ورلڈکپ میگا ایونٹ کے انتظامات میں تعاون پر اسپورٹس ڈیپارٹمنٹ پنجاب سمیت تمام اداروں کا شکریہ ادا کرتا ہوں۔
